Mari Simak Teks Hikayat Ta'eun Corona

Mari Simak Teks Hikayat Ta'eun Corona
A A A

Banda Aceh, acehtoday.com  - Berikut ini adalah teks lengkap yang ditulis oleh dosen UIN Ar Raniry Banda Aceh Dr. Sehat Ihsan Shadiqin yang pernah kuliah di Antropologi Budaya, Universitas Milano-Biccoca, Italia

Ta'eun Corona

Oleh: Pak SIS Lambhuk

IG. @sehat.ihsan

 Assalamualaikum ban mandum kawôm

Pujo keu rabbôn phôn awai mula

Seulaweut saleuëm teuma tasanjông

Ateuh pang ulèë Rasul ambiya

Ta'eun Corona ca-é lôn susôn

Peunyakét phôn-phôn lahé di China

Jino meusipreuk kuta ngon dusôn

Abeh jipeurôn ban sigom dônya

Nibak binatang dilèë asai phôn

Pinah Corona bak manusia

Ka batôk beursén napah ji ék trön

Leuhnyan rakan lôn ajai pih teuka

Dum maté ureuëng geuwo bak rabbôn

Lakoë ngon binô pisah seulama

Aneuk miet cucut di dalam ayôn

Dum bandum kawôm jino ka rasa

Ta'eun Corona mudah meusambông

Bagah that ditrön bak ureuëng lingka

Lheuh mumat jaroë tamat boh idông

Langsông meusambông peunyakét teuka

Ta'eun Corona cukôp that paloë

Hana ditusoë tuha ngön muda

Teungku malém ngen ureuëng bangsat

Bandum jihajat lé te'eun Corona

Hana dikalön kulét ngon nanggroë

Bandum nyan saban nibak Corona

Peu-peu Agama hana dipakoë

Pijuët meuasoë peusama rata

Wahé e rakan di dalam nanggroë

Bèk taanggap droë keubai Corona

Wajéb saboh kheun ngen ureuëng bumoë

Tapeujiôh droë dari Corona

Na siat watèë tarah lé jaroë

Kadang na di duëk ta'eun Corona

Bèk that taduek rap ngen ureuëng baroë

Tadöng bak jarak jiôh sideupa

Bèk ban meurumpôk tamumat jaroë

Hana meukureung nilai syèëdara

Bèk peugot tumpôk dum rata sagoë

Sinan keuh mudah ta'eun menyeuba

Bèk tat le taduëk di dalam warông

Ngen kupi pancông dalam glah kaca

Peulom tapakat ureung meurôn-rôn

Jak nonton mancông idoeng India

Wahé e rakan lôn beu sajan hajat

Tajaga harkat umat manusia

Besapeu kheun beu saban pakat

Nyan ta'eun laknat bagah binasa

Ta ikhtiyeu sabé hai rakan

Bèk teuwo teuma tapanjat doa

Moga Allah bri dum keumudahan

Tanyoë seulamat dari Corona

Oh Ya Allah oh ya Tuhanku

Neu puwèh laju ta'eun Corona

Bit kamoë la'eh oh ya Tuhanku

Bacut tan mampu lawan Corona

Ôh no keuh ca-e nyo ulôn karang

Meu'ah hai rakan dum ulôn pinta

Kadang na salah bak lôn keumarang

Maklum hai taulan lôn mantong muda

#janganmudik

Komentar

Loading...