Puasa Ramadhan Dalam Alunan Nazam Aceh

Teungku Abdullah Arif, MA merupakan seorang pujangga yang lahir di bumi Aceh Serambi Mekkah. Di samping sebagai sastrawan, beliau juga berperan sebagai wartawan sejak zaman Jepang.

Pada 18 Oktober 1945, bersama A.Hasjmy,dkk ia mendirikan suratkabar “Semangat Merdeka”, sebagai koran pertama di Aceh setelah Republik Indonesia merdeka.

Terakhir sekali Abdullah Arif bertugas sebagai wartawan dari suratkabar Indonesia Raya, Jakarta yang dipimpin Mochtar Lubis. Ia juga sangat berjasa--
bersama-sama tokoh lain -- dalam mewujudkan Kampus Darussalam di Banda Aceh.

Kini beliau telah Almarhum ( 1970 ). Pengalaman terakhir sebagai Dosen IAIN Ar – Raniry.

Banyak karangan dan artikel beliau yang beredar dalam masyarakat. Namun sekarang nyaris semuanya telah punah. Salah satunya yang pernah saya miliki berjudul Kitab Masailal Meunadham, yang ditulisnya ketika ia berumur 17 tahun.

Kitab ini berbentuk syair bahasa Aceh yang disebut Nazam/Nadham.. Naskah Masailal Meunadham dicetak di Pulau Pinang(sekarang: Penang- Malaysia) dalam tahun 1948.

Kitab yang dicetak dengan huruf Arab Jawi ( tulisan Jawoe) ini, isinya
tentang berbagai masalah Hukum Islam, di antaranya soal Puasa.

Perihal bulan Ramadhan/puasa beliau menulis:

I’lam ta theei wahe sampee agam dara
Suroh Tuhan buleun Ramadhan ta puasa
Dalam sithon cit sibuleun geuyueu theun droe
Nibak mandum makan minum watee uroe

Saboh ayat mulia that deungo jinoe
Dali wajeb puasa ateuh geutanyoe
Yaa aiyuhal lazi na aamanuu
Kutiba ‘alaikumush shiyaamu
Kama kutiba ‘alal laziina
Mingqablikum la’al lakum
Tat taquun.

( He seugala mereka nyangka beriman
Ateuh gata puasa ka geuwajebkan
Lagee nyangka geupeuwajeb uleh Allah
Ateuh ureung nyang dileekon nyangka leupah. Mudah-mudahan ngon sababka ta puasa. Hate teuh nyan ubak Allah that taqwa)

Teuma jinoe ulon peugah rukon syarat
Beutajaga dumna gata wahe sahbat.

Nyang Meuwajebkan Puasa

Peuet peue meuhat nyang peuwajeb tapuasa
Phon Islam nyang keudua ‘akai beuna
Keulhee baligh katroh masa umu sampoe
Dan nyang keupeuet cit kuasa bak tatheun droe

Ureueng saket nyang la’eh that haroh buka
Meunan citlom ureueng teungoh dalam safa
Meureud haroh nyakni hana jeuet keu deesya
Teutapi bak uroe laen payah qadla

Peureulee Puasa

Peuet peukara peureulee puasa nyang phon taniet
Dalam masa gohlom faja shadeq teubiet
Sagai hansah puasa gata beugot tapham
Meunye hana tapeudom niet tiep-tiep malam

Beuta ingat niet cit meuhat dalam hate
Lafath niet nyan jinoe taulan lon peulahe
Sahja ulon puasa peureulee Ramadhan
Singoh uroe dalam thon nyoe kareuna Tuhan

Bak malam phon Sunat meuhat taniet meunoe
Lon puasa ban sibuleun Ramadhan thon nyoe
Keudua nibak makan minum cit tatheun droe
Keulhee tatheun droe teuh nibak Jimak uroe

Watee malam jeuet hai taulan Meusituboeh
Phon yoh sinja hingga faja lheueh nyan piyoeh
Keu peuet tatheun droeteuh nibak sahja muntah
Meunyo tan peuet peukara nyan puasa hansah

Nyang Peubateue Puasa

Na siploh peue nyang peubateue dum puasa
Tapeu jeuoh dum bak tuboeh beuta jaga
Nyang phon tasak barang peue lam ruhung tuboeh
Got bak ulee got pat laen dumpat cit roh

Nyang kedua tasak beunda dalam ruhung
Nyang teubuka miseue dua geuliyueng hidong
Keu lhee meunghisap ngon saboh nibak dua jalan
Keupeuet muntah cit deungon ta seungajakan

Nyang keulimong ta Meujimak watee uroe
Atawa Inzal ngon peh meupeh lakoe ngon binoe
Keunam ta keulua mani deungon jaroe
That berbahaya he saudara bek sagai toe

Barang kasoe nyang pubuet nyoe lethat bahya
Leumoh utak mata rusak watee tuha
Nyankeuh sahbat peulara that masa jinoe
Agam dara hana bida nibak buet nyoe

Tujoh nif’as keu lapan haidh ureueng inong
‘Oh jiteuka bateue puasa hanpeue tanyong
‘Oh seureuta ka putoh hidh deungon nif’as
Bekle lale tajak manoe pantah-pantah

‘Ohlheueh manoe peuhase droe nyanka suci
Tueng puasa singoh uroe ta mulai
Puasa tinggai lam watee nyan wajeb qadla
Ube tinggai dumnan sagai payah qadla

Ingat taulan puasa Ramadhan bekta tinggai
Deungon qadla hanjeuet hana sagai-sagai
Keu sikureueng pungo pitam miski siat
Keu siploh meuhan deungon sababteu meureutat

Sunat Bak Ureueng Puasa

Lhee peue meuhat sunat bak ureueng puasa
Phon lon seubut sigra bacut bak tabuka
Meungka yakin atawa dhan jilob uroe
Sunat lanja laju buka bekle laloe

Soe-soe nyangna geusimpan taqwim Ramadhan
Jeuet cit buka meunurot bak taqwim nyan
Nyang keudua makan saho ta peulambat
Silama gohlom troh watee syok beuta ingat

Dan nyang keulhee bek tamarit narib keuji
Miseue ceumarot ngon meudhot-dhot caci maci
Tapeulara dua anggoeta beuta satoh
Bek jeuet bateue dumna pahla habeh gadoh

Ingat sahbat bek meuupat lam puasa
Bek jeuet payah tatheun deuek grah sia-sia
Rugoe raya dumna pahla ka hanale
Gata deuek pruet beungoh seupot ngon tho hate

Hareuem Puasa

Limong uroe nyang hareuem that tapuasa
Dum geutanyoe bak uroe nyan geuyue buka
Uroe Raya meuhat dua Tasyrek lhee
Jumlah bandum limong uroe beuna tathee

Ureueng Nyang Haroih Buka

Geupeumudah uleh Allah dum keu hamba
Keulimong droe ureueng buka puasa
Nyang peurtama ureueng saket that nazeu’a
Nyangkeu bit-bit bukon saket pura-pura

Nyang keudua keu ureueng nyang bungka jeuoh
Keulhee ureueng hamel aneuk dalam tuboeh
Keupeuet meuhat ureueng nyang that leupah tuha
Meunye han ek bak geutheun droe jak geubuka

Ureueng teungoh peumom aneuk nyang keulimong

Geupeumudah uleh Allah keu Nyak Inong
Teutapi puasa wajeb qadla nyang tinggai nyan
Ube nyangka lheueh tabuka lam Ramadhan

Meulaenkan nyang tan payah qadla ureueng tuha
Ngon ureueng saket nyang han puleh bak keunira
Teutapi wajeb boeh Fidiyah ateueh gobnyan
Lam siuroe cit saboh mud nyang hanjeuet han

Puasa Sunat

Sunat tapham puasa nam buleuen Syawal
Lethat pahla he syeedara bek tatinggai
Nishfu Syakban sunat sinan ta puasa
Dan taingat pih sunat that bak ‘Asyura
Uroe Tasu’a dan puasa nyang ta’adat
Seunanyan Hameh seukalian sunat meuhat

Demikianlah sekelumit kutipan dari Masailal Auwaliyah, yang lebih populer dengan nama Masailal Meunadham –artinya Masailal berbentuk Nazam – karangan salah seorang Pujangga Aceh yang amat terkenal dalam tahun-tahun 40-an sampai 60-an.

Kita sungguh rugi, jika “Pusaka Pujangga” itu tidak ada pihak-pihak yang mau menyelamatkannya!.

Kiranya, dua karya Abdullah Arif, yakni “Seumangat Aceh” 12 jilid dan “Nasib Aceh” 6 jilid amat patut dicetak ulang!.

Tahun 1983, sebagian besar karya Teungku Abdullah Arief, MA lulusan Universitas Al-Azhar, Cairo-Mesir( 1968) itu; banyak saya jumpai di Pustaka Islam, Jalan Mangkubumi, Yogyakarta.

Berita kelulusan beliau dalam masa singkat dua tahun dengan nilai amat sangat baik, sempat disiarkan RRI Banda Aceh.

Sebagai pengagum beliau, saya yang sempat mendengar siaran itu di pedalaman Aceh; terus berceloteh –menyiarkan kembali kemana-mana tanpa bayaran!.[]